Ten Xag: "Maguayr o'ziga kelib oldi"

 13 DEKABR, 2022, 04:00

"Manchester Yunayted" bosh murabbiyi Erik ten Xag Xarri Maguayrning Angliya terma jamoasidagi o'yinidan hayratda.

29 yoshli markaziy himoyachi uzoq vaqtdan beri klubdagi o'yinlari uchun tanqid ostiga olindi va ten Xag murabbiylik lavozimiga kelganidan so'ng, asosiy tarkibdagi o'rnini butunlay yo'qotdi.

"Maguayr "Manchester Yunayted"da o'ynash uchun etarli darajada yaxshi, u bu erda porlashi mumkin. U klubda o'zining eng yaxshi o'yinlarini namoyish etmadi, lekin u doimo Angliya uchun yaxshi o'ynagan. Umid qilamanki, u o'ziga bo'lgan ishonchni qaytardi va "Manchester Yunayted"da yuqori saviyani ko'rsata boshlaydi. Biz uning nimaga qodirligini bilamiz", dedi ten Xag.