logotip
Assalom-u alaykum, Mehmon!
Soat: 19:32
KirishA'zo bo'lish
TAVSIYA QILAMIZ
Yangiliklar tasmasi

APL gigantlari tomonidan sotib olinishi kutilayotgan yosh talantlar

 27 DEKABR, 2023, 11:06

APLdagi transferlar oynasi boshqalardan farq qiladi. Negaki, ingliz klublari katta daromadga ega. Shu sababli ularda yangi futbolchilar sotib olish imkoniyati boshqalarnikidan yaxshiroq. Kelasi oy buning isbotini ko'rasiz. Aqlli klublar kelajak uchun qanday qilib sarmoya kiritishni bilishadi. Quyida Evropa futbolida yarq etgan yosh futbolchilar haqida so'z boradi. Ularning "ovchilari" esa aynan APL klublaridir.

1. Leni Yoro – 18 yosh, "Lill"


Markaziy himoyachilarning yuqori darajaga chiqishi uchun ancha vaqt kerak. Negaki, yosh futbolchilar etilishi va kerakli jismoniy sifatlarga ega bo'lib olishi lozim. Bu pozitsiyaning murakkabligi shundan iborat. Bu mavsumda 18 yoshli "Lill" himoyachisi Leni Yoro hammaning nazariga tushdi. Tez orada u Angliyaga yo'l olsa ajab emas. U uchun "MYu" va "Tottenxem" qizish bildirgan.

2. Matias Sule – 20 yosh, "Frozinone"

Sule aslida "Yuventus" futbolchisi sanaladi. Argentinalik hujumchi bu mavsumni "Frozinone" safida, ijara asosida o'tkazmoqda. Uning o'yinini kuzatganlar Suleni niderlandiyalik afsona Aren Robbenga qiyoslashadi. O'ng qanot vingeri chap oyoqdir. Jahonning eng yaxshi hujumchilar singari, Sule ham qanotdan raqib jarima maydoniga yorib kirib, kuchli oyog'ida zarba berishni yaxshi ko'radi. Uning hisobida bu mavsumda 6 ta gol va 1 ta assist mavjud. Sulega APLdan da'vogarlar ko'payib qolgan.

3. Matis Tel – 18 yosh, "Bavariya"


18 yosh bo'lishiga qaramay, Tel dunyoning eng kuchli klublaridan birida harakat qiladi. Uning transferi "Bavariya" uchun 20 million funtga tushgandi. Tez orada frantsuz vingerining manzili o'zgarishi mumkin. Telda qanotlardan tashqari, markaziy hujumda o'ynash ko'nikmalari ham yaxshi shakllangan. Ayni damda uning xizmatlariga APLdan "Vest Xem" va "Tottenxem" qiziqish bildirmoqda.

4. Yoxan Bakayoko – 20 yosh, "PSV"

Bakayoko 2023 yilning yozida APLga o'tishiga bir bahya qolgan edi. Uning xizmatlariga "Brentford" hamda "Byornli" jiddiy qiziqish bildirgan. Ammo u Niderlandiyada qolishni tanladi. Shu sababli, Bakayoko EChL tajribasiga ega bo'ldi. Qolaversa, uninga jamoasi ichki chempionatda peshqadamlik qilmoqda. 20 yoshli hujumchining narxi esa kun sayin oshib bormoqda.

5. Santyago Ximenes – 22 yosh, "Feyenoord"


Ximenes hisobida bu mavsum davomida, barcha musobaqalarda jami 20 ta gol mavjud. 22 yoshli meksikalikning narxi 90 millionni tashkil etadi. Ayni damda unga "Chelsi" va "Arsenal" jiddiy qiziqish bildirmoqda. Ximenes yanvarda Angliyaga ketishi mumkin. Negaki, APLda markaziy hujumchiga muhtoj bo'lib turgan bir nechta jamoalar bor.

 

 

 


ISMATOV J.

Manba: stadion.uz

butsanet

telegram
BILDIRILGAN FIKRLAR
QIZIQARLI FAKT VA IQTIBOSLAR