Pochettino chempionlikdan umidini uzdi

 27 DEKABR, 2023, 10:48

Argentinalik mutaxassis Maurisio Pochettino Londonning “Chelsi” klubi bosh murabbiyi sifatidagi faoliyati haqida gapirdi.

Murabbiyning so'zlariga ko'ra, mavsum boshida chempionlik uchun kurashishga ishongan bo'lsa, endi buning uchun imkoniyat qolmagan ko'rinadi.

"Biz uchun bu qiyin bo'lishini bilardik, lekin bunchalik bo'lishini kutmagandik. Jarohatlar va diskvalifikatsiyalar vaziyatimizni yomonlashtirdi.

Biz juda ko'p muhim o'yinchilarni yo'qotdik, o'zimizga bog'liq bo'lmagan juda ko'p turli vaziyatlar natijaga ta'sir qildi. Lekin baribir men buni yaxshi chaqiruv deb hisoblayman", dedi Pochettino jurnalistlarga.