UFC Arman Carukyanga katta jang bermoqda

 27 DEKABR, 2023, 10:32

Engil vazn toifasi UFC reytingida to'rtinchi o'rinni egallab turgan Arman Carukyan o'z muxlislariga tez kunda katta yangilik bo'lishi xabarini berdi.

"Bizni katta yangiliklar kutmoqda", - deya o'zining ijtimoiy tarmoqdagi sahifasida xabar qoldirgan Carukyan.

Hozircha UFC ham, Armanning o'zi ham raqib nomini ochiqlamayapti. Katta ehtimol bilan uning bo'lajak raqibi reytingda o'zidan yuqorida turgan jangchilar bo'ladi. Carukyandan yuqorida, yani kuchli uchlikda CHarlz Oliveyra, Jastin Getji va Dastin Pore bormoqda. Vaznning amaldagi chempioni Islam Maxachev bo'lib turibdi.

UFC promousheni hamda Armanga yaqin insonlarning aytishicha, raqib Pore bo'ladi. UFC hozirgacha Dastinga raqib topib bera olmayapti. Amerikalik Armandan tashqari Top-5 reytingdagi boshqa hamma jangchilar bilan oktagonga uchrashib ulgurgan. Faqat Carukyan qolmoqda. 

Malumot uchun, 27 yoshli Arman Carukyan shu oy boshida divizondagi ketma-ket uchinchi g'alabasini qo'lga kiritdi. U birinchi raundning 64-soniyasidayoq amerikalik Benil Dariushni nokautga uchratdi.

Manba: olamsport.com