Vud APLda sobiq jamoasiga qarshi o'yinda uchta gol urgan to'rtinchi futbolchiga aylandi

 27 DEKABR, 2023, 10:30

"Nottingem Forest" hujumchisi Kris Vud APLning 19-turida "Nyukasl"ga qarshi o'yinda xet-trik qayd etdi - 3:1.

Bungacha “Nyukasl”da o'ynagan 32 yoshli yangi zelandiyalik futbolchi o'yinning 45, 53 va 60-daqiqalarida gol urdi.

Hujumchi o'zining sobiq jamoasiga qarshi Premer-liga o'yinida xet-trik qayd etgan to'rtinchi futbolchi bo'ldi.

Bungacha “Manchester Yunayted” safida Endi Koul (1999), “Uigan” tarkibida Markus Bent (2007) va “Uotford” hujumchisi Joshua King (2021) sobiq jamoasi darvozasiga uchta gol urgandi.