"Yuventus" klubi o'z futbolchisi bilan yangi shartnoma borasida kelishuvga erishdi

 27 DEKABR, 2023, 10:24

"Yuventus" himoyachisi Gleyson Bremer klub bilan hamkorlikni davom ettiradi, deya xabar beradi insayder Fabritsio Romano.

Tomonlar maoshi oshirilgan 5 yillik yangi shartnoma borasida kelishib olishgan. "Yuventus" yaqin kunlarda shartnoma imzolanishini kutmoqda.

Bremer 2022 yilning yozida "Torino"dan 41 million evro evaziga "Yuventus" futbolchisiga aylandi. Joriy mavsumda u 17 uchrashuvda 1 ta gol urdi.

"Yuventus" A Seriyada 2-o'rinda. Keyingi o'yin 30 dekabr kuni o'z maydonida "Roma"ga qarshi o'tkaziladi.