Kalabriya: "Napoli"ni bunchalik kuchli bo'lishini kutmagandik"

 13 DEKABR, 2022, 00:00

"Milan" himoyachisi Davide Kalabria "Napoli" haqida fikr bildirdi. Ayni damda neapolliklar Italiya chempionatida peshqadamlik qilmoqda, “rossoneri”lar esa sakkiz ochko ortda qolib, turnir jadvalida ikkinchi o'rinda bormoqda.

«Biz «Napoli» bu qadar kuchli bo'lishini kutmagandik. Ular ajoyib mavsumni o'tkazishmoqda. Yanvar ular uchun muhim oy bo'ladi, chunki ularni oldinda ko'plab muhim uchrashuvlar kutib turibdi. Biz etib olishimiz kerak, jarohatlanganlar qaytib keladi. Shunday ekan, men optimistman”, dedi Kalabriya Sky Sport Italia nashriga.

Jahon chempionatidan keyingi ilk rasmiy o'yinda “Napoli” 4 yanvar kuni mehmonda “Inter”ga qarshi maydonga tushadi. Shu kuni “Milan” “Salernitana”ga qarshi bahs olib boradi.