Xabi Alonso "Real" tarbiyalanuvchisini "Bayer"da ko'rmoqchi

 27 DEKABR, 2023, 08:30

"Almeriya" yarim himoyachisi Serxio Arribas "Bayer" safiga qo'shilishi mumkin.

Ispaniyalik futbolchini “Almeriya” shu yilning avgust oyida “Real”dan 6 million evroga sotib olgandi. 22 yoshli hujumkor yarim himoyachi o'zini yangi joyda ko'rsatishga muvaffaq bo'ldi - uning o'yini allaqachon "Bayer" e'tiborini tortdi, deb xabar beradi Mundo Deportivo. Manba bergan xabarga ko'ra, Arribasni taklif qilishga shaxsan o'yinchi bilan "Real Madrid" yoshlar jamoasida birga ishlagan leverkuzenliklar boshqaruvchisi Xabi Alonso qiziqmoqda.

Serxio Arribas "Almeriya" safida La Liganing 18 ta uchrashuvida 5 ta gol urdi va bitta golli uzatmani amalga oshirdi. "Los-Blankos" akademiyasi tarbiyalanuvchisining narxi Transfermarkt ekspertlari tomonidan 8 million evroga baholangan.