Rimlik futbolchi klub rahbariyati bilan kelishib olishi kerak

 12 DEKABR, 2022, 19:29

Noyabr oyida Joze Mourino «Sassuolo»ga qarshi o'yinda ikki ochko yo'qotgach, «Roma» futbolchilaridan birini qattiq qoralagandi. Portugaliyalik murabbiy bu borada Rik Karsdorpni nazarda tutgani aniq edi. Mourino futbolchiga yangi ish qidirishi kerakligini aytdi.

O'sha matbuot anjumanidan so'ng Karsdorp «Roma»ning navbatdagi o'yinini o'tkazib yubordi va Rimni tark etdi. Keyinchalik niderlandiyalik futbolchi psixologik muammolar sabab mashg'ulotlar boshlanishiga o'z vaqtida kela olmadi.

Rik Karsdorp bu janjallardan so'ng dushanba kuni «Roma»da mashg'ulotlarga qaytdi. Yaqin kunlarda himoyachi klub rahbarlari bilan uchrashib, kelajagini muhokama qiladi.