Ronaldu Saudiyada eng yaxshi to'purar va assistent bo'lib turibdi

 27 DEKABR, 2023, 08:00

Krishtianu Ronaldu Saudiya Arabistoni chempionati o'yinida ikkita gol urdi.

"An-Nasr" hujumchisi Saudiya Arabistoni chempionatining 17-turidan o'rin olgan "Al-Ittihod"ga qarshi o'yinda (5:2) ikki penaltini golga aylantirdi.

Bu Ronalduning Saudiya ligasining joriy mavsumidagi 18 va 19-gollari bo'lib, u turnir to'purarlari ro'yxatini boshqarib turibdi. "Al-Hilol"dan Aleksandr Mitrovich 16 ta gol bilan ikkinchi o'rinni egallab turibdi. Bundan tashqari, portugaliyalik futbolchi 9 ta golli uzatma bilan assistentlar ro'yxatida ham birinchi o'rinni egallab turibdi.

Shu tariqa, Krishtianu ushbu chempionat mavsumida gol+pas tizimidan foydalangan holda jami 28 ochko (19+9)ga ega – bu ligadagi eng yaxshi ko'rsatkich.