Nunes nohush seriyasiga barham berdi

 26 DEKABR, 2023, 23:48

"Liverpul" hujumchisi Darvin Nunes Angliya chempionati doirasida "Byornli"ga qarshi o'yinda gol urdi.

24 yoshli urugvaylik futbolchi “Byornli”ga qarshi bahsda jamoasini oldinga olib chiqdi. Futbolchi uchrashuvning oltinchi daqiqasidayoq raqib darvozasiga aniq zarba berdi.

Bu gol Nunesning Angliya premer-ligasida so'nggi ikki oydagi birinchi goli bo'ldi. Eslatib o'tamiz, forvard avvalgi golni oktyabr oyi oxirida "Nottingem Forest" bilan o'yinda kiritgandi.