Dembelega nima bo'ldi?

 5 NOYABR, 2025, 11:42

Frantsiyaning "PSJ" klubi safida to'p tepayotgan "Oltin to'p" sohibi Usmon Dembele UEFA Chempionlar ligasi doirasida Myunxenning "Bavariya" klubiga qarshi uy uchrashuvida jarohat oldi. Vingerning jarohati haqida Parij grandi ustozi Luis Enrike gapirdi.

"Dembele? Uning oldingisiga bog'liq bo'lmagan yangi jarohati bor. Biz juda ehtiyotkor bo'lishimiz kerak. Oldinda jamoa uchun ancha murakkab o'yinlar jadvali turibdi", - deya ispaniyalik murabbiyning so'zlarini keltiradi RMC Sport.

Eslatib o'tamiz, "PSJ" - "Bavariya" bahsi Parij jamoasining 1:2 hisobidagi mag'lubiyati bilan yakunlandi.