Koman: "G'alaba uchun bor kuchimizni beramiz"

 12 DEKABR, 2022, 14:02

Frantsiya terma jamoasi hujumchisi Kingsli Koman Qatarda bo'lib o'tayotgan jahon chempionati yarim finalida Marokashga qarshi bo'lajak qarama-qarshilik haqida gapirdi.

“Biz hali ham diqqatimizni bir joyga qaratganmiz. Oldinda bizni Marokashga qarshi o'yin kutib turibdi, ular hozirgacha juda kuchli termalarni engdi. G'alaba qozonish uchun biz bor kuchimizni ishga solishimiz kerak bo'ladi. Ular yarim final yo'llanmasiga loyiq, biz esa taktika bo'yicha yaxshi tayyorgarlik ko'ramiz", - deya Komanning so'zlarini keltiradi RMC Sport.

Frantsiya va Marokash uchrashuvi 14 dekabr, chorshanba kuni bo'lib o'tadi. Boshlanish hushtagi Toshkent vaqti bilan 23:59 da yangraydi.