APL yulduzi Saudiyaga yo'l olishi mumkin

 26 DEKABR, 2023, 22:00

"Tottenxem"ning yulduzli hujumchisi Xyon Min Son Saudiya Arabistonida faoliyatini yakunlashi mumkin.

Ijtimoiy tarmoqlarda jurnalist Ekrem Konurning yozishicha, Saudiya klublari qishki transfer oynasida 31 yoshli futbolchini qo'lga kiritishga harakat qilishi mumkin.

Sonning "Tottenxem" bilan amaldagi shartnomasi 2025-yilning o'rtalariga qadar tuzilgan. Nufuzli Transfermarkt portali mutaxassislari futbolchini 50 million evroga baholamoqda.

Aytish joizki, Saudiya Arabistoni klublarida etarlicha moliyaviy resurslar mavjud bo'lib, bu ularga Evropaning eng yaxshi chempionatlaridan yuqori maqomli futbolchilar uchun kurash olib borish imkonini beradi.