"PSJ" angliyalik yulduz uchun 120 million atagan

 12 DEKABR, 2022, 13:22

"PSJ" Dortmundning "Borussiya" klubi yarim himoyachisi Jud Bellingemni o'z safiga qo'shib olmoqchi, deb xabar beradi El Nacional.

Manbaning xabariga ko'ra, frantsuz klubi futbolchi uchun 120 million evro to'lashga tayyor. "PSJ" sport direktori Luis Kampos allaqachon nemislar rahbariyati bilan muzokaralarni boshlab yuborgan.

Avvalroq, "Borussiya" futbolchi uchun kamida 150 million evro olmoqchi ekani xabar qilingandi. Yarim himoyachiga "Manchester Yunayted", "Chelsi" va "Liverpul" klublari ham qiziqish bildirmoqda.

19 yoshli Bellingem joriy mavsumda “Borussiya” va Angliya terma jamoasi safida barcha turnirlarda 32 ta o'yinda maydonga tushib, 10 ta gol urdi va 5 ta golli uzatmani amalga oshirdi. Uning klub bilan shartnomasi 2025 yilning yoziga qadar mo'ljallangan.