Xabi Alonso "Real"ning "Liverpul"dan uchralgan mag'lubiyatiga izoh berdi

 5 NOYABR, 2025, 09:12

Madridning "Real" klubi bosh murabbiyi Xabi Alonso Chempionlar Ligasidan o'rin olgan "Liverpul"ga (0:1) qarshi o'yindan so'ng jurnalistlarning savollariga javob qaytardi.

Uchrashuv taqdiri 61-daqiqada hal bo'ldi va mersisaydliklar yarim himoyachisi Aleksis Mak Allister yagona gol muallifiga aylandi.

"Har xil yutqazish mumkin. Bugun hammasi "Atletiko" bilan derbidagidek bo'lmadi. Munosib kurashdik, birinchi bo'limda yaxshi ko'rindik, ammo tanaffusdan keyin tashabbusni yo'qotdik va keraksiz xatolar bilan o'zimizga qiyinchilik tug'dirdik. O'yin shiddatli, juda shiddatli kechdi, ammo hujumda keskinlik etishmadi," - dedi Alonso matbuot anjumanida.