O'zbekistonda yilning eng yaxshilari aniqlanmoqda

 26 DEKABR, 2023, 16:54

O'zbekiston futbol assotsiatsiyasining navbatdagi hisobot Kongressi bo'lib o'tdi.

Tadbirning ikkinchi qismida joriy yilgi futbol mavsumining eng yaxshilarini taqdirlash marosimi bo'lib o'tdi.

Futbolimiz faxriysi, ayni kunlarda muborak 90 yoshni qarshi olgan Lev Viktorovich Vaxtin “O'zbek futboli nuroniysi” sovriniga loyiq deb e'tirof etildi. U ko'p yillar davomida O'zbekistonda malakali futbolchi va mutaxassislarni tarbiyalanishida oʻzining munosib hissasini qo'shib kelgan.

Andijon FA — “Yilning eng yaxshi hududiy futbol assotsiatsiyasi” deb topildi.

"Futzal bo'yicha yilning eng yaxshi murabbiyi" - O'tgan mavsumda "BMB" futzal jamoasi bilan birgalikda mavsum chempionligini qo'lga kiritgan mutaxassis — Nodir Elibaev mazkur sovriniga loyiq deb topildi.

"Yilning eng yaxshi futzalchisi" - O'zbekiston futzal milliy terma jamoasi etakchilaridan biri, o'tgan mavsum chempioni Husniddin Nishonov "Yilning eng yaxshi futzalchisi" sovrinini qo'lga kiritdi.

“Ayollar Oliy ligasida yilning eng yaxshi futbolchisi” - “Sevinch” klubi vakilasi Umida Zoirova “Ayollar Oliy ligasida yilning eng yaxshi futbolchisi” sovrinini qo'lga kiritdi.

“Ayollar futboli bo'yicha yilning eng yaxshi murabbiyi” - “Sevinch” klubi bosh murabbiyi Vladislav Xan “Ayollar futboli bo'yicha yilning eng yaxshi murabbiyi” sovrinini qo'lga kiritdi.

“Ayollar Oliy ligasi to'purari” - “So'g'diyona” etakchisi Diyora Habibullaeva ketma-ket uchinchi mavsum Oliy liganing eng yaxshi to'purariga aylanmoqda. Joriy yilga kelib Diyora chempionat doirasida raqiblari darvozasiga 61 ta to'p kiritishga muvaffaq bo'ldi.