logotip
Assalom-u alaykum, Mehmon!
Soat: 22:50
KirishA'zo bo'lish
TAVSIYA QILAMIZ
Yangiliklar tasmasi

Qo'qondagi «Markaziy» maydoni tubdan yangilanadi va qo'shimcha mashg'ulot maydoni ham qurish reja qilingan

 26 DEKABR, 2023, 16:24

“Qo'qon-1912" jamoasi kelgusi yilga har tomonlama jiddiy tarzda tayyorgarlikni boshlab yuborishgan. Klubda kelasi yil superligaga har jihatdan tayyor bo'lib chiqishni maqsad qilgan holda rejalar ishlab chiqildi.

O'zbekiston professional futbol ligasi so'nggi yillarda superliga hamda pro liga jamoalariga stadionlar yoritish tizimi va maydon chimi borasida juda katta talablarni qo'yib bormoqda. Buning natijasida respublikamizda xalqaro darajadagi o'yinlarni o'tkazish talablariga javob beradigan stadionlar ko'payib bormoqda. Albatta yaxshi va sifatli maydonda sifatli futbol bo'ladi.

Xabaringiz bor, o'tgan mavsumda Qo'qondagi «markaziy» stadion yoritgichlari yangitdan zamonaviy lampalar bilan jihozlanib, stadion elektr tizimi tubdan yangilangan edi.

Kelgusi mavsumda jamoa rahbariyati «Markaziy» stadion yoritishi tizimini yanada yaxshilash bilan birga maydon chimini yangilashni ham maqsad qilishgan. «Markaziy» maydoni tagidan yangilanib chiqiladi. Drenaj tizimi, sug'orish tizimi butunlay yangilanib avtomat sug'orish tizimiga o'tiladi. Maydon chimi ham yangitdan urug' sepilib, qishin-yozin yam-yashil holatda bo'lishi ta'minlanadi. Bugungi kunda «Markaziy»da demontaj ishlari boshlanib ketgan. Maydondagi ishlar bilan respublikamizdagi ko'plab stadionlarni, jumladan Farg'onadagi «Istiqlol», Andijondagi «Bobur arena» kabi stadionlarni go'zal holatga olib kelgan mutaxassislar shug'ullanishadi.

Shuningdek, "Markaziy" stadionga yaqin bo'lgan joyda mashg'ulotlar uchun alohida chimli, standart maydon ham qurish reja kiritildi.

Manba: stadion.uz

butsanet

telegram
BILDIRILGAN FIKRLAR
QIZIQARLI FAKT VA IQTIBOSLAR