logotip
Assalom-u alaykum, Mehmon!
Soat: 09:56
KirishA'zo bo'lish
TAVSIYA QILAMIZ
Yangiliklar tasmasi

Arablar O'zil tomon

 12 DEKABR, 2022, 13:05

Germaniya terma jamoasi ko'chasida yana mag'lublik kayfiyati. Bundestim xuddi 4 yil oldin Rossiyada kuzatilgani kabi Qatarda ham JCh guruh bosqichi dovonini zabt etolmadi.

Xans-Diter Flik jamoasining bu safargi omadsizligi Qatarda mahalliy muxlislar tomonidan Mesut Ozilni qo'llab-quvvatlash uchun uyushtirilgan «flesh-mob» bilan ham esda qoldi.   

Germaniya termasi uchun JCh-2022 hisobidan oxirgi o'yinga aylangan uchrashuv (Kosta-Rika termasiga qarshi) davomida Al-Xor shahridagi «Al-Bayt» stadioni tribunalarida mahalliy muxlislar Mesut Ozilning son-sanoqsiz bosma portretini ko'z-ko'z qilishdi. Ehtimolki, ular shu tariqa asli turk yarim himoyachining ketishi nemislar yo'l qo'ygan eng katta xato ekanligiga ishora qilishgandir... Qolaversa, ular portret ko'tarish barobarida og'izlarini qo'llari bilan yopib olishdi. Bunisi endi Germaniya termasining ilk o'yin oldidan tushgan g'alati jamoaviy suratiga kinoya.   

Germaniyalik muxlislar esa ushbu «flesh-mob»ga turlicha munosabatda bo'lishdi: kimdir olqishladi, boshqa birov o'zini qo'yarga joy topolmay qoldi. Hattoki, Ozil portretini tortib olishga urinishlar ham kuzatildi. Boshqa mamlakatlardan kelgan muxlislar esa arablarga qo'shilishdi. Ammo fakt shuki, aksariyat nemislar bu harakatdan g'azablanishdi. Deylik, muxlislardan biri tribunaning o'zida mushtlashishga tayyordek ko'rindi.

Manba: stadion.uz

butsanet

telegram
BILDIRILGAN FIKRLAR
QIZIQARLI FAKT VA IQTIBOSLAR