"Jirona" himoyachisi "Real"ning rejalariga kirmaydi

 26 DEKABR, 2023, 16:18

Chap qanot himoyachisi Migel Guterresning qaytishi "Real Madrid"ning rejalariga kirmaydi.

Marca nashri xabariga ko'ra, "Qirollik klubi" o'z tarbiyalanuvchisini "Jirona"dan qaytarishni rejalashtirmayapti. Eslatib o'tamiz, Karlo Anchelotti jamoasi himoyachini 8 million evroga sotib olish huquqiga ega. Manbaning qayd etishicha, "Real" "Bavariya"dan Alfonso Devis transferi uchun bor kuchini sarflamoqchi.

Nemislar kanadalik himoyachining maosh talablarini qondirishga tayyor emas, shuning uchun futbolchi katta ehtimol bilan yozda "Alyants Arena"ni tark etadi. Devisning "Bavariya" bilan shartnomasi 2025 yilning yoziga qadar amal qiladi.