"Liverpul" - "Real" uchrashuvining eng yaxshi futbolchisi aniqlandi

 5 NOYABR, 2025, 08:48

Seshanba oqshomida EChL umumiy bosqich 4-turidan o'rin olgan "Liverpul" - "Real" uchrashuvi bo'lib o'tdi. Unda Arne Slot jamoasi 1:0 hisobidagi g'alabani tantana qildi. Yagona gol yarim himoyachi Aleksis MakAllister hisobiga yozildi.

Aynan Mak Allister "Enfild"da bo'lib o'tgan bahsning eng yaxshi futbolchisi deb topildi. Final hushtagidan so'ng argentinalik sovrinni qo'lga kiritdi.

Chempionlar Ligasining 4 turida "Liverpul" 9 ochko jamg'arishga muvaffaq bo'ldi. Qit'a klublari o'rtasidagi asosiy turnirning navbatdagi turida Slot jamoasi PSVni qabul qiladi. O'yin 26 noyabr, chorshanba kuni bo'lib o'tadi. "Real"ning ham hisobida 9 ochko bor.