logotip
Assalom-u alaykum, Mehmon!
Soat: 23:20
KirishA'zo bo'lish
TAVSIYA QILAMIZ
Yangiliklar tasmasi

O'zbekiston terma jamoasi Qirg'iz Respublikasiga qarshi 2 xil tarkib bilan o'ynagan

 26 DEKABR, 2023, 14:06

O'zbekiston terma jamoasi Qirg'iz Respublikasiga qarshi 2 xil tarkib bilan o'ynashiga qaramasdan, ortiqcha qiyinchiliksiz 4:1 hisobida g'alaba qozondi.

Terma jamoamiz o'yinni o'zi uchun odatiy 3-4-3 sxemasida boshladi. Darvozani Yusupov qo'riqlagan bo'lsa, himoya markazida Eshmurodov, Ashurmatov va Xamraliev uchligi harakat qilishdi. Chap qanotni Nasrullaev, o'ng qanotni esa Turg'unboev egalladi. Maydon markazida Hamrobekov va Xolmatov juftligi to'p tepdi. Hujum chizig'ida chapda Fayzullaev, o'ngda Erkinov va markazda Abduxoliqov maydonga tushirildi.

2-taym boshlanishidan oldin 9 ta o'zgartirish amalga oshirildi va terma jamoamiz 4-3-3 sxemasiga o'tdi. Darvozada Ergashev paydo bo'lgan bo'lsa, chap qanotga Sayfiev, o'ng qanotga esa Abdiraxmatov tushirildi. Faqatgina himoya markazidagi Eshmurodov va Ashurmatov tandemi 1-bo'limdan so'ng almashtirilmadi. Maydon markazida Boltaboev, Iskanderov va Masharipov uchligi paydo bo'ldi. Hujum chizig'ida chapda Urunov, o'ngda Umarov va markazda Amonov harakat qilishdi. 2-bo'lim davomida G'aybullaev va Bo'riev ham maydonga tushirildi. G'aybullaev burchak zarbasidan so'ng boshi bilan gol urish bilan birga, uchrashuv so'nggida 2-sariq kartochkani olib maydonni tark etdi.

Umuman olganda, o'yin to'liq vakillarimiz nazorati ostida o'tdi. Raqiblarimizning yagona goli ham jarima zarbasidan keyin kiritildi. Terma jamoa tarkibida o'z debyutini o'tkazishgan Xolmatov, Xamraliev, G'aybullaev, Abdiraxmatov va Bo'rievlarning barchasi o'zidan ijobiy taassurot qoldirishdi. Albatta, raqibning darajasini ham esdan chiqarmaslik lozim.

Jarohatlangan Shomurodov o'rnini hujum markazida kim egallashi hozircha noma'lumligicha qolmoqda. Terma jamoaning deyarli barcha pozitsiyalarida yaxshigina raqobat yuzaga kelgan. Jumladan, vingerlar, markaziy himoyachilar, chap qanot himoyasi va markaziy yarim himoyachilar borasida tanlov imkoniyati mavjud.

Manba: stadion.uz

butsanet

telegram
BILDIRILGAN FIKRLAR
QIZIQARLI FAKT VA IQTIBOSLAR