logotip
Assalom-u alaykum, Mehmon!
Soat: 11:09
KirishA'zo bo'lish
TAVSIYA QILAMIZ
Yangiliklar tasmasi

«Chempionlikni Argentinaga beraqoling!» – g'azablangan Portugaliya futbolchilari mag'lubiyatda bosh hakamni aybdor qilmoqda

 12 DEKABR, 2022, 08:59

Portugaliyalik yulduzlar bo'lmish Brunu Fernandesh va Pepe FIFAni so'roqqa tutdi. Ular tashkilotdan nima uchun o'zlarining o'yiniga argentinalik hakamni tayinlagani haqida so'rashdi. Marokash va Portugaliya o'rtasidagi bahsni Argentinadan kelgan Fakundo Telo boshqarib borgandi.

Avvalroq Argentina va Niderlandiya o'yinida ishlagan Antonio Mateu Laos 17 ta sariq kartochka ko'rsatgani sababli Messi va Martines tomondian keskin tanqidga olingandi. Bu safar esa Fernandeshga argentinalik hakamning qarorlari «juda g'alati» tuyuldi. U shunday deydi:


«Nima bularning hammasi Argentinani chempion qilishmoqchimi? Nimani o'ylayotgan bo'lsam, shuni aytaman. Shaxsan menga, bizning o'yinda Jahon chempionatida hamon qatnashayotgan mamlakatdan bo'lgan hakamning ishlashi juda g'alati tuyuldi. Bular shu haqida ham o'ylab ko'rsa bo'lardi».
Portugaliya himoyachisi Pepe Marokashga mag'lubiyatdan keyin hakamdan juda ham jahli chiqdi. Chunki uning do'sti bo'lgan Ronaldu o'zining so'nggi mundialini alamli tark etishga mahkum edi. Pepe FIFAga istehzo bilan shunday murojaat qiladi:


«Kechagi voqealardan keyin ham bizning o'yinimizni argentinalik hakam boshqargani meni g'azablantirdi. O'zlaringiz ko'rdilaringiz, kecha Messi hakam haqida qancha gapirdi. Biz esa bugun, ayniqsa, ikkinchi taymda borimizni berdik. Hakam bizga qarshi qarorlar chiqardi. Raqib darvozaboni zarbalarni qaytardi. Atigi 8 daqiqa qo'shib berildi. Bu esa kam edi. Hammasidan men bir xulosaga kelayapman. Yaxshisi, tinchgina kubokni Argentinaga beraqolinglar!».

Bernardu Silva ham o'yindan keyin o'z fikrini bildirar ekan, jumladan, shunday dedi: «O'yin kurashuvchan va murakkab raqibga qarshi kechdi. Hozir nimani his qilayotganimizni hamma biladi. Biz o'zimizga ishonardik. Yarim-finalga eta olardik. Men bugun portugal xalqidan kechirim so'rayman. Biz yutqazdik. Marokash esa yarim-finlaga yo'l oldi. Chunki ular bugun shunga loyiq harakat qildi».


Fernandu Santushning terma jamoadagi taqdiri mag'lubiyatdan keyin so'roq ostida qoldi. Bu haqida mutaxassisning o'zidan so'ralganida, u shunday deydi: «Bu haqida hali gaplashamiz. O'yinga keladigan bo'lsak, futbolchilar hamma narsa qilishdi. Ularni ayblamayman. Raqib Marokash bo'ladimi, boshqasimi, farqi yo'q. Bu Jahon chempionati va bu erdagi har bir mag'lubiyat bizni xafa qiladi».

 

 

 

ISMATOV J.

Manba: stadion.uz

butsanet

telegram
BILDIRILGAN FIKRLAR
QIZIQARLI FAKT VA IQTIBOSLAR