Yuriy Syomin Abbos Fayzullaevning RPLning eng yaxshi 3 yosh futbolchisi safiga kiritdi

 26 DEKABR, 2023, 12:06

Moskvaning «Lokomotiv» klubi va Rossiya terma jamoasi sobiq bosh murabbiyi Yuriy Syomin Rossiya chempionatining joriy mavsumdagi eng yaxshi futbolchisi nomini aytdi.

«Rossiya premer-ligasining eng yaxshi futbolchisi haqida to'xtaladigan bo'lsam, hozir yaqqol etakchi yo'q. Ammo bir qator yaxshi yosh futbolchilar bor: Tyukavin, Fayzullaev va Chernikov. Ushbu – RPLdagi eng yaxshi uchlik», — dedi Syomin.

«Dinamo» hujumchisi Konstantin Tyukavin RPL doirasida 18 ta o'yinda maydonga tushib, 8 gol urdi.

TsSKA yarim himoyachisi Abbosbek Fayzullaev RPLda 13 ta o'yinda maydonga tushib, ikki gol va 4 assist muallifiga aylandi.

«Krasnodar» yarim himoyachisi Aleksandr Chernikov joriy mavsumda 17 o'yinda bitta gol muallifi bo'ldi.