Nevill: "2023 yil "Manchester Yunayted" uchun haqiqiy sharmandalik bo'ldi"
26 DEKABR, 2023, 11:42
"Manchester Yunayted"ning sobiq himoyachisi, hozirda futbol eksperti Gari Nevill Jim Retkliffning "qizil iblislar"ning 25% ulushini sotib olgani haqida gapirdi.
"2023 yil «Manchester Yunayted» uchun haqiqiy sharmandalik bo'ldi. Hozir sotib olish uchun eng yaxshi vaqt emas, lekin men Retkliffga muvaffaqiyat tilayman. Umid qilamanki, u klubda tartib o'rnata oladi", - deyiladi Nevillning ijtimoiy tarmoqlardagi xabarida.
"Manchester Yunayted" 2023/2024 yilgi mavsumning birinchi yarmini halokatli o'tkazdi. Angliya chempionatining 18-turidan so'ng “qizil iblislar” 28 ochko jamg'arib, turnir jadvalida atigi sakkizinchi o'rinni egallab turibdi. Chempionlar ligasida jamoa pley-offga chiqa olmadi va kvartetda oxirgi o'rinni egalladi.
