"Arsenal" 18 million evrolik hujumchi bilan shartnoma imzolashi mumkin

 26 DEKABR, 2023, 11:36

Belgiyaning "Bryugge" klubi forvardi Andreas Olsen faoliyatini Angliya Premer-ligasining top-klubida davom ettirish imkoniyatiga ega, bu haqda ijtimoiy tarmoqlarda insayder Ekrem Konur xabar berdi.

Manba bergan xabarga ko'ra, Londonning "Arsenal" klubi futbolchini o'z safiga qo'shib olishdan manfaatdor, jamoa hujum chizig'ini mustahkamlovchi futbolchi qidirmoqda. Kelishuv yanvar oyidagi transfer oynasida yakunlanishi mumkin.

Joriy mavsumda Olsen Belgiya jamoasi safida 30 ta uchrashuvda ishtirok etgan. Hujumchi 17 ta gol va 5 ta golli uzatmani amalga oshirdi. Andreasning bozordagi narxi 18 million evro.