"Liverpul" portugaliyalik futbolchi uchun 60 million evro sarflashi mumkin

 26 DEKABR, 2023, 11:30

"Liverpul" Lissabonning "Sporting" himoyachisi Gonsalu Inasiu xizmatlariga qiziqish bildirmoqda, bu haqda insayder Pedro Almeyda ijtimoiy tarmoqda ma'lum qildi.

Manbaga ko'ra, hozirdanoq muzokaralar olib borilmoqda, futbolchining shartnomasida tovon puli 60 million evroni tashkil qiladi.

22 yoshli futbolchining "Sporting" bilan shartnomasi 2027 yilning 30 iyuniga qadar amal qiladi. "Transfermarkt" portali uni 30 million evroga baholamoqda.