"Manchester Siti" Echeverrini ijarada qoldiradi

 26 DEKABR, 2023, 11:30

"Manchester Siti" Argentinaning eng yorqin yosh iqtidorlaridan birini qo'lga kiritishga yaqin turibdi. Jurnalist Fabritsio Romanoning xabariga ko'ra, "shaharliklar" "River Pleyt"ning 17 yoshli hujumchisi Klaudio Echeverrining transferiga ishonch bildirishmoqda.

Manbaning xabar berishicha, Echeverri katta ehtimol bilan yanvarda transferini yakunlaydi, ammo "Manchester Siti" futbolchini mavsum oxirigacha ijara asosida "River Pleyt"da qoldiradi. Eslatib o'tamiz, Klaudioning Argentina klubi bilan shartnomasida tovon puli 25 million evro qilib belgilangan.

Avvalroq Echeverri xizmatlariga Londonning "Chelsi"si va Kataloniyaning "Barselona"si kabi klublar ham qiziqish bildirgandi.