"Slaviya" - "Arsenal" uchrashuvining eng yaxshi futbolchisi aniqlandi

 5 NOYABR, 2025, 03:12

"Arsenal" yarim himoyachisi Mikel Merino Chempionlar Ligasi umumiy bosqich 4-turidan o'rin olgan "Slaviya"ga (3:0) qarshi o'yinning eng yaxshi futbolchisi deb topildi.

29 yoshli ispaniyalik ushbu uchrashuvda dubl qayd etib, 11,5 km masofani yugurib o'tdi va uning uzatmalaridagi aniqlik 73 foizni tashkil etdi.

"Merino "Arsenal" to'pga egalik qilganida chiziqlar orasida juda yaxshi harakat qildi, to'psiz astoydil ishladi va hujumda samaradorlik ko'rsatdi", - deya ta'kidladi UEFA texnik kuzatuvchilari guruhi.

"Arsenal" ochkolarini 12 taga etkazib, Chempionlar ligasi umumiy turnir jadvalida 1-o'ringa chiqib oldi. "Slaviya" esa 30-pog'onaga tushib ketdi - 2 ochko.