Regragi kimdan andaza olgan edi?

 11 DEKABR, 2022, 23:18

Marokash terma jamoasi bosh murabbiyi Valid Regragi «Atletiko» murabbiyi Diego Simeonedan ilhom olgan.

«Biz kecha xuddi Ispaniyaga qarshi bo'lganidek deyarli bir xil o'ynadik. Bu Simeone uslubiga o'xshash o'yin bo'ldi», — dedi Regragi jahon chempionatining chorak finalida Portugaliyani 1:0 hisobida mag'lub etganidan keyin.

«Biz Simeone uslubida g'alaba qozondik», dedi marokashlik darvozabon Yassin Bunu.

Marokash jahon chempionati yarim finalida Frantsiyaga qarshi maydonga tushadi. Jahon chempionati final yo'llanmasi uchun bahs 14 dekabr, chorshanba kuni bo'lib o'tadi.