Kostakurta: "Milan" uchun psixologik bosimdan xalos bo'lish juda qiyin"

 26 DEKABR, 2023, 10:18

Italiyaning “Milan” klubi sobiq futbolchisi Alessandro Kostakurta “Milan”ning joriy mavsumdagi muammolari haqida o'z fikri bilan o'rtoqlashdi.

Stefano Pioli shogirdlari allaqachon Chempionlar ligasidan chiqib ketishgan, chempionatda ham ishlar yaxshi ketmayapti.

Kostakurtaning fikricha, muammolar bosim va xato qilish qo'rquvi tufayli og'irlashadi.

"Milan" uchun psixologik bosimdan xalos bo'lish juda qiyin. Ba'zida o'yinchilarga qarayman va ular xato qilishdan juda qo'rqishlarini tushunaman.

Boshqa jamoalar boshqacha, oddiy ritmda va qo'rquvsiz o'ynashadi", - deya Kostakurtaning so'zlarini keltiradi pianetamilan.it.