"Fiorentina" Amrabat transferi talablarini ma'lum qildi

 11 DEKABR, 2022, 21:39

Yarim himoyachi Sofyan Amrabat jahon chempionatida Evropaning bir qator grandlari e'tiborini tortdi. Relevo o'z sahifalarida xabar berishicha, "Fiorentina" marokashlikning narxini 30-35 million evroga baholaydi.

Shu bilan birga, “binafsharanglilar” qishda Amrabat bilan xayrlashmoqchi emas, ular mavsum yakunida kelishuvga erishishni afzal ko'rishadi.

Eslatib o'tamiz, "Liverpul" Sofyan Amrabatga faol qiziqish bildirmoqda. Premer-liganing top-klubi 26 yoshli marokashlik futbolchini qishda o'z safiga qo'shib olmoqchi.