Odil Ahmedov «Nitstsa»dan taklif borligiga qaramay, Xitoyga o'tganini ma'lum qildi

 26 DEKABR, 2023, 09:18

O'zbekiston terma jamoasi sobiq yarim himoyachisi Odil Ahmedov futbolchilik faoliyatida «Nitstsa»dan taklif bo'lganini aytib o'tdi.

– Mavsum-2016/17 qishida oldimda 2 ta variant bor edi: «Nitstsa» menga kam maosh taklif qilib, transfer summasini to'lashga tayyor edi. «Shanxay»ning imkoniyatlari butunlay boshqa edi. O'shanda deyarli 30 yoshdi edim. Shuning uchun Xitoyni tanladim.

– 2011 va 2013 yillarda siz Evropada o'ynash orzu qilardingiz, ammo 2017 yilda Xitoyni tanladingiz? Nima o'zgarib qoldi?
– 24-26 yosh paytida Evropaga ketgan bo'lardim, 29 yoshda esa maqsadlar biroz o'zgardi. Xitoyda kuchli futbolchilar yig'ilayotgandi. Bu ham sabablardan biri bo'ldi.

– Siz «Krasnodar»da deyarli 2 mln evro yillik maosh olardingiz. Xitoy bundan qancha ko'p maosh to'lagan?
– Ikki marta.

– «Ahmedov futbolni emas, pulni tanladi». Bunday gap-so'zlarga munosabatingiz qanday?
– O'zbekitonda ham shunday yozishgandi. Ishonchim komil, shunday yozayotganlarning o'ziga shunday taklif tushsa, albatta uni qabul qilgan bo'lardi. O'sha paytda Xitoydan shunaqa takliflar bo'lgan bo'lsa, hozir Saudiya klublari shunday yo'l tutmoqda.

– Xitoyda mavsum boshlanishiga bir oy vaqt qolganida maydonda o'ynaydigan legionerlar soni 3 nafarga qisqartirildi. Klubdagilar buni qanday qabul qilishdi?
– Bu kutilmagan voqea bo'ldi. Klubdagilar Federatsiya bilan talashib-tortishishdi, ammo bunga rozi bo'lishdan boshqa variant qolmadi. Andre Villash-Boash o'shanda legionerlarga bir o'yinchi navbati bilan uchrashuvni o'tkazib yuborishini aytgandi. Shunday bo'ldi ham.

– Xitoy futboli nimasi bilan yodda qolgan?
– Futbol asosan legionerlar hisobiga "tirik" edi. Kim kuchli legioner bilan shartnoma imzolagan bo'lsa, o'sha chempionlik uchun kurashdi. Deyarli barcha stadionlar yangi edi va ular hamisha muxlislar bilan to'lardi. Rossiyadan farqli o'laroq tomoshabinlar futbolchilarni hech qachon so'kmasdi. Aksincha, faqat qo'llab-quvvatlardi.