"Benfika" Ramushni sotmoqchi emas

 11 DEKABR, 2022, 21:00

Manchester Evening News xabariga ko'ra, "Benfika" qishki transfer oynasida hujumchi Gonsalu Ramushni sotishni rejalashtirmayapti.

Bu klub prezidenti Rui Kostaning qarori. Agar kimdir o'z shartnomasida ozod qilish bandini faollashtirmasa, hech bir o'yinchi sotilmaydi.

Dastlabki ma'lumotlarga ko'ra, Ramushning tovon puli 103 million funtni tashkil qiladi. Portugaliyalikning amaldagi shartnomasi 2026 yilgacha mo'ljallangan.

21 yoshli futbolchining xizmatlariga "Manchester Yunayted" qiziqish bildirmoqda. Gonsalu joriy mavsumda 25 o'yinda 17 ta gol urdi va 7 ta golli uzatmani amalga oshirdi.