Peleni ulug'lash taklifi ko'tarildi

 11 DEKABR, 2022, 20:49

Janubiy Amerika futbol konfederatsiyasi (CONMEBOL) Braziliya futbol federatsiyasiga (CBF) milliy terma jamoa gerbidagi besh yulduzdan uchtasini sobiq hujumchi Pele sharafiga uchta yurak bilan almashtirishni taklif qildi. Bu haqda CONMEBOL rahbari Alexandro Dominges ma'lum qildi.

«Maqsad, Pelening milliy terma jamoa bilan qo'lga kiritgan uchta jahon chempionligini ta'kidlash va o'zining tug'ilgan shahri Tres Korasoysni ulug'lashdir. Biz ushbu taklifni CBFga yuboramiz, shunda Pele doimo Braziliya terma jamoasining liboslarida yashaydi», - deydi Dominges.

Braziliya terma jamoasi emblemasida jahon chempionatlaridagi (1958, 1962, 1970, 1994, 2002) besh g'alaba ramzi bo'lgan besh yulduz tasvirlangan. Tres Korasoynsda (portugal tilidan tarjimasi - «Uch yurak») tug'ilgan Pele futbolchi sifatida uch marta jahon chempioni bo'lgan (1958, 1962, 1970).