Dezire Due — Evropada yilning eng yaxshi yosh futbolchisi

 4 NOYABR, 2025, 21:48

Frantsiya terma jamoasi va «PSJ» hujumchisi, 20 yoshli Dezire Due Evropaning eng yaxshi yosh futbolchisi deb topildi. Mukofot italiyalik Tuttosport nashri tomonidan topshiriladi.

«Yosh frantsuzning fenomenal mavsumi — u “PSJ” bilan barcha sovrinlarni qo'lga kiritdi», — deyiladi mukofot sahifasida (X ijtimoiy tarmog'ida).

Eslatib o'tamiz, 2024 yilda ushbu sovrinni «Barselona» vingeri Lamin Yamal qo'lga kiritgan edi.

Oxirgi mavsumda Due barcha musobaqalarda 61 ta o'yinda maydonga tushib, 16 ta gol va 16 ta golli uzatma muallifi bo'ldi. U «PSJ» bilan birga Chempionlar ligasi, Liga 1, Frantsiya kubogi va Superkubogida g'alaba qozondi.