Chalxanoglu barchani Ronalduni hurmat qilishga chaqirdi

 11 DEKABR, 2022, 20:32

"Inter" yarim himoyachisi Xoqon Chalxanoglu Krishtianu Ronaldu haqida gapirdi. So'nggi oylarda portugaliyalik muntazam ravishda tanqidlarga uchradi va Portugaliya terma jamoasi safida jahon chempionatidan chiqib ketdi.

“Krishtianu tarixdagi eng buyuk sportchilardan biri ekanligi haqidagi haqiqatni hech kim o'zgartira olmaydi. Uni doimo hurmat qilish kerak. 16-17 yil cho'qqida bo'lish ko'p narsani qurbon qilish demakdir”, — deb yozdi Chalxanoglu ijtimoiy tarmoqda.

Eslatib o'tamiz, shanba kuni Portugaliya terma jamoasi jahon chempionati chorak finalida kutilmaganda Marokashga mag'lub bo'lgandi (0:1).