Olti futbolchining «Real» bilan shartnomasi yarim yildan keyin yakunlanadi

 25 DEKABR, 2023, 22:48

«Real Madrid»ning 6 nafar futbolchi bilan shartnomasi 2024 yilning yozida yakuniga etadi. Klub ular bilan shartnomani uzaytirishni istasa, yanvar oyidan muzokaralarni boshlashi mumkin.

Toni Kroos. Joriy mavsumda 34 yoshli futbolchi yaxshi o'yin ko'rsatmoqda. U jamoa safida eng ko'p golli uzatmani amalga oshirgan o'yinchi bo'lib turibdi — 6 ta.

Luka Modrich. Xorvatiyalik 38 yoshli futbolchi hamon yuqori saviyada o'ynashga tayyor. U charchash nimaligini bilmayapti.

Nacho. Jamoa sardori so'nggi o'yinlardi bir qator xatolarga yo'l qo'ydi. Agar «Madrid» yangi himoyachi bilan shartnoma imzolasa, u jamoani tark etadi.

Xoselu. Hujumchining bir yillik ijarasi hozircha yomon kechmayapti. U 10ta o'yinda maydonga tushib, 8 gol urdi.

Kepa Arrisabalaga. Ispaniyalik posbon ham Xoselu kabi pozitsiyada. U hozircha barchaning mehrini qozongani yo'q.

Lukas Vaskes. U doimgidek muammo yuzaga kelgan chiziqni yopib yuribdi. Kerak paytda esa hujumchiga aylanmoqda.

Klub siyosatiga ko'ra, yoshi 30 dan oshgan futbolchiga atigi bir yillik shartnoma taklif etiladi.