Kelgusi “Oltin to'p” uchun favoritlar aniqlandi. Messi va Ronaldu nechanchi o'rinda?

 25 DEKABR, 2023, 18:48

Goal portali tahlilchilari navbatdagi “Oltin to'p” uchun favoritlarni nomlashdi.

Reytingda birinchi o'rinni "Real Madrid" va Angliya terma jamoasi yarim himoyachisi Jud Bellingem egallab turibdi.

Ikkinchi pog'onada "Bavariya" hujumchisi Xarri Keyn joylashgan. Sovrin uchun eng kuchli uch da'vogarlar ro'yxatidagi so'nggi o'rinni “PSJ” hujumchisi Kilian Mbappe yakunlab berdi.

Erling Xoland (“Manchester Siti”) to'rtinchi, Muhammad Saloh (“Liverpul”) esa beshinchi o'rinni egalladi.

Top 10talikka shuningdek: Rodri, Antuan Grizmann, Bukayo Saka, Deklan Rays va Xulian Alvares kirdi. Portugaliyalik yulduz Krishtianu Ronaldu 17, Messi esa 19-o'rinni oldi.