Karrager "Liverpul"ning yozgi transfer oynasidagi xaridlari haqida fikr bildirdi

 4 NOYABR, 2025, 17:06

Jeymi Karrager "Liverpul"ning yozgi transferlar oynasidagi xarajatlari haqida gapirdi.

O'tgan yozda mersisaydliklar transferlar uchun 482,9 million evro sarflagan edi. Florian Virts 116 mln funt va Aleksandr Isak 125 mln funt evaziga APL tarixidagi eng qimmatbaho xaridlarni amalga oshirdi.

"Yaqinda "Liverpul" Premer-liganing "Galaktikos"iga aylanganini aytgandim. Ularning xatti-harakatlari tobora Florentino Peres davridagi "Real"ni, eng yaxshi davrlardagi "Barselona"ni, Fergyuson har qanday futbolchini sotib olishga qodir bo'lgan "Manchester Yunayted"ni yoki hozirgi "Manchester Siti"ni eslatmoqda," - dedi "Liverpul"ning sobiq futbolchisi.