O'zil: «Marokash bilan faxrlanaman, bu musulmon olami uchun katta yutuq»

 11 DEKABR, 2022, 10:02

«Istanbul Bashakshehir» klubi yarim himoyachisi Mesut O'zil Marokash terma jamoasining JCh yarim finaliga chiqishi munosabati bilan o'z xursandligini ma'lum qildi.

Eslatib o'tamiz, marokashliklar 10 dekabr kuni chorak final bosqichi doirasida Portugaliyani mag'lub etishdi (1:0).

«Faxrlanaman! Aqlbovar qilmas jamoa! Bu Afrika va musulmonlar olami uchun katta yutuq. Zamonaviy futbolda hamon mana shunday ertaklarning mavjudligi hayratlanarli. Bu ko'p insonlarga kuch va ishonch beradi», — deya yozdi O'zil tvitter orqali.

Ma'lumot o'rnida. Marokash yarim finalda Frantsiyaga qarshi maydonga tushadi.