"Betis" "Atletiko" himoyachisini o'z safiga qo'shib olmoqchi

 25 DEKABR, 2023, 16:36

Madridning “Atletiko” klubi himoyachisi Xavi Galan qishki transfer oynasida klubini o'zgartirishi mumkin.

Andalusiyaliklar Galanni "Milan" sotib olish arafasida turgan Xuan Mirandaning o'rnini bosuvchi futbolchi sifatida ko'rishadi.

"Betis" va "matraschilar" o'rtasidagi muzokaralar bir necha hafta oldin boshlangan. Sevilya klubi Xavini sotib olish opsiyasi bilan mavsum oxirigacha ijaraga olmoqchi.

29 yoshli himoyachi o'tgan yozda Vigoning "Selta" klubidan "Atletiko"ga o'tgan edi. Tomonlar o'rtasidagi amaldagi mehnat shartnomasi 2026 yilning iyun oyi oxirida tugaydi.