"Yuventus" "Bavariya" futbolchisiga ko'z tikmoqda

 11 DEKABR, 2022, 09:16

Germaniya terma jamoasi va Myunxenning "Bavariya" klubi yarim himoyachisi Leon Goretska Germaniya Bundesligasini Italiya A Seriyasiga o'zgartirishi mumkin. Bu haqda Calciomercato xabar bermoqda.

Manbaga ko'ra, 27 yoshli futbolchining transferiga Turinning "Yuventus" klubi qiziqish bildirmoqda. Potentsial transfer narxi 65 million evroga baholanmoqda.

Goretskaning "Bavariya" bilan amaldagi shartnomasi 2026 yilning o'rtalariga qadar mo'ljallangan.

Joriy mavsumda yarim himoyachi Germaniya chempionatining 11 ta uchrashuvida qatnashib, 3 ta gol va bitta golli uzatmaga mualliflik qilgan.