Romano: "Real Madrid" Varanning transferi bo'yicha muzokaralar olib bormayapti"

 25 DEKABR, 2023, 15:18

Italiyalik jurnalist Fabritsio Romanoning ta'kidlashicha, "Real" hozirda "Manchester Yunayted"dan markaziy himoyachi Rafael Varanning transferi bo'yicha hech qanday muzokaralar olib bormayapti.

Madridning “Real” klubi Varanni 2021 yilning yozida “Manchester Yunayted”ga sotib yuborgan edi. Frantsiyalik futbolchi joriy mavsumda Erik ten Xag jamoasida asosiy o'yinchi emas.

Oldinroq Varanning "Manchester Yunayted" bilan shartnomasi kelasi yozda nihoyasiga etishi haqida xabar berilgandi.