Makron Frantsiya terma jamoasini g'alaba bilan tabrikladi

 11 DEKABR, 2022, 07:37

Frantsiya prezidenti Emmanuel Makron milliy terma jamoani Angliya ustidan qozonilgan g'alaba (2:1) va Qatardagi jahon chempionatida yarim finalga chiqqani bilan tabrikladi.

“Yana ikki qadam qoldi”, — deb yozdi Makron Twitter'da.

Frantsiya 24 yil ichida jahon chempionatining yarim finaliga chiqqan birinchi amaldagi jahon chempioni bo'ldi. 14 dekabr kuni bo'lib o'tadigan yarim finalda frantsuzlar Marokash terma jamoasi bilan to'qnash kelishadi.