"Manchester Siti" 25 million evroga hujumchi sotib oladi

 25 DEKABR, 2023, 14:42

Huquqlari Argentinaning "River Pleyt" klubiga tegishli bo'lgan 17 yoshli hujumchi Klaudio Echeverri "Manchester Siti"ga o'tishga yaqin turibdi.

Manbaga ko'ra, Angliya top-klubi rahbarlari istiqbolli hujumchi uchun 25 million evro to'laydi. Bu Echeverri shartnomasida tovon sifatida ko'rsatilgan miqdor. Klaudio uchun bahsda "shaharliklar" "Barselona"dan oldinda bo'lishdi.

Angliya Premer-ligasining joriy mavsumida “Manchester Siti” 34 ochko jamg'argan. Pep Gvardiola shogirdlari birinchi o'rindagi “Arsenal”dan 6 ochko ortda qolib, beshinchi o'rinda bormoqda.