Mayer Noyer va Ter Shtegen o'rtasida tanlov qildi

 25 DEKABR, 2023, 14:18

Germaniya terma jamoasining sobiq futbolchisi Zepp Mayer Bundestimning asosiy darvozaboni kim bo'lishi kerakligi haqida gapirdi.

"Bavariya"ning sobiq darvozaboni Manuel Noyerni tanladi, u yaqinda jiddiy jarohatdan so'ng maydonga qaytdi.

“Germaniya terma jamoasining asosiy darvozaboni kim bo'lishi kerak? Manuel Noyer. Ter Shtegen yaxshi darvozabon, ammo Manuel eng yuqori sport formasiga qaytmoqda.

Bu holatda Evropa chempionatida kim birinchi raqam bo'lishi kerakligiga shubha bo'lishi mumkin emas”, — dedi afsonaviy darvozabon.