Santush yaqin kunlar ichida iste'foga chiqariladi

 11 DEKABR, 2022, 00:33

Portugaliya terma jamoasi ustozi Fernandu Santush mundialni tark etganidan so'ng, faoliyatini terma jamoada davom ettirmasa kerak.

Portugallar chorak finalda 0:1 hisobida imkoniyatni boy berib, Marokash terma jamoasi qarshiligini sindira olmadi. Insayder Fabritsio Romanoning so'zlariga ko'ra, Santushning ishdan bo'shatilishi ehtimoli nihoyatda yuqori, mutaxassis yaqin kunlarda iste'foga chiqarilishi kutilmoqda.

Murabbiyning o'zi bugungi muvaffaqiyatsizlikdan so'ng kelajagi haqida aniq bir narsa aytmadi: "Ertaga men Lissabonga uchaman, u erda kelajagimni muhokama qilamiz", - dedi Portugaliya terma jamoasini 2014 yildan buyon boshqarib kelayotgan Santush.