Adesanya hamyurti Parkerning g'alabasidan pul ishlab oldi + FOTO
25 DEKABR, 2023, 11:48
O'rta vaznda sobiq UFC chempioni Israel Adesanya hamyurti Jozef Parkerning g'alabasi uchun totalizatorga pul tikkan edi.Yangi zelandiyalik superog'ir vazn toifasida bokschi kuni kecha Saudiya Arabistoni poytaxti Ar-Riyod shahrida o'tkazilgan professional boks oqshomida amerikalik sobiq jahon chemioni Deontey Uaylderni shov-shuvli tarzda mag'lubiyatga uchratishga muvaffaq bo'lgandi.
Jangni bevosita ring yonida tomosha qilgan Adesanya o'zining ijtimoiy tarmoqdagi sahifasiga pul yutuqli kuponini joylashtirdi. Unda ko'rinib turibdiki, Israel Parkerning g'alabasiga 5 000 dollar pul tikkan. G'alaba koeficenti esa 5 ni tashkil qilgan.
Malumot uchun, Adesanya shu yil sentyabrda o'tkazilgan UFC 293 turnirida amerikalik SHon Striklendga chempionlik kamarini boy berib qo'ygandi. Bu 34 yoshli Israel uchun UFC promoushenidagi uchinchi mag'lubiyat bo'lgan edi.
Manba: olamsport.com
