"Bavariya"dan ketganidan so'ng o'ziga klub topa olmayotgan futbolchi Liga 1'ga ko'chib o'tishi mumkin

 4 NOYABR, 2025, 08:30

"Bavariya"ning sobiq himoyachisi Buna Sarr 4 noyabrdan boshlab "Metts" safida mashg'ulot o'tkazadi, deya xabar bermoqda L'Equipe.

Manbaga ko'ra, agar 33 yoshli senegallik etarli jismoniy tayyorgarlikni namoyish etsa, u bilan shartnoma imzolanishi mumkin. 2024 yilning 1 iyulidan boshlab futbolchi "Bavariya" bilan shartnomasi muddati tugaganidan keyin erkin agent hisoblanadi.

Sarr 2020-2024 yillarda "Bavariya"da o'ynagan, 33 ta o'yinda 1 ta gol urgan va 4 ta golli uzatmani amalga oshirgan. Himoyachi bungacha ham "Metts" sharafini himoya qilgan va 110 ta o'yinda 8 ta gol urib, 9 ta golli uzatmani amalga oshirgan.