«Real» Kepa Arrisabalaganing transferini xarid qiladimi?

 25 DEKABR, 2023, 09:18

«Real» murabbiylar shtabi va rahbariyati darvozabon Kepa Arrisabalaganing kelajagini muhokama qilishdi. Eslatib o'tamiz, ushbu posbon «Chelsi»dan bir yilga ijaraga olingan.

"AS" nashri tarqatgan xabarga ko'ra, "Qirollik klubi" darvozabonning transferini xarid qilmaydi. Bunga ikkita sabab bor.

Birinchidan, Tibo Kurtua mavsum so'ngida safga qaytadi.
Ikkinchidan, Andrey Lunin yaxshi darvozabon ekanini isbotladi.

Kepaning transfer narxi 20 million evroga teng. U joriy mavsumda 15 ta o'yinda maydonga tushib, 12 ta gol o'tkazib yubordi.